2008ko Berdintasunaren aldeko Emakunde Saria

Emakundek atzo Bizkaiako Emakumearen Asanbladari saria eman zion. Sari honekin, Asanbladak urtean zehar egin duen lana eskertu nahi zuen.

Ekitaldia primeran antolatuta egon zen. Sarreran, Aukeran Dantza taldea agertu zen, perkusioa eginez gorputzarekin eta gero hiru neska azaldu ziren, hiru garbigailuren gainean dantzatuz.

Berehala aurkezlea agertu zen eta hiru pantailen bidez feminismoaren historia laburtu ziguten. Idoia Moyuak gerotxoago azaldu zuenez, omenaldi honek azalpen hori behar zuen, gaurko emakumeei eskerrak emateko, historian zehar lan egin duten emakume guztiei eskerrak ere eman behar zaizkielako.

Asanbladak saria bi proiektutan inbertituko du, bat Palestinako Beltzezko emakume taldea da eta bestea, kongoko emakume talde bate.

Euskaldunaren korridorean, irtetzerakoan, txokolate eta pastak gure zain zeuden.

Orokorrean, ekitaldia oso ondo antolatuta zen, kreatiboa eta oso ondo lotuta.

Bukatzeko, gure zorion beroenak Bizkaiko Emakumeen Asanbladari!





Menéame Technorati: publizitatea
GBookmarks: marcar

Ikastolen elkarteko spota

Umeekin lan egitea gogorra omen da eta egia esan orain arte izandako esperientziak, gogorrak baino, oso dibertiduak izan dira. Egunotan telebistan botatzen ari diren ikastolen iragarkia egiteko adibidez, hamar bat umekin jardun genuen Amorebietako ikastolako frontoian. Grabazioak nahiko astunak izaten dira, askotan errepikatu behar da, planoa ez da guztien gustura egoten... denbora luze joaten da. Eta halere, amorebietako umeak primeran portatu ziren, txikitxoeek esate baterako txintik esan gabe (kexatu barik) eta patxadaz aguantatu zuten. Ez zitzaien inporta kamera egotea, inguruan nagusi mordoa ibiltzea, geldik egon behar izatea... oso potxoloak benetan. Aimarari, andereñoei, sukaldariei... eurei ere esker mila, salda beroa ere ekarri baitziguten!


Menéame Technorati: publizitatea
GBookmarks: marcar